Öskudagsgleði

Öskudagsgleði verður í  Þelamerkurskóla á sprengidaginn sem er þriðjudaginn 12. febrúar n.k.  Fyrirkomulag dagsins verður með hefðbundnu sniði. Nemendur geta komið strax um morguninn í búningum sínum en ómáluð. Þeir sem þurfa aðstoð við málun fá hana í stofu 3 strax eftir hádegismat. En fram að hádegi er kennt samkvæmt stundaskrá. Öskudagsskemmtunin hefst á sal kl. 13.15.                                                        

Dagskrá hennar er:  Kötturinn sleginn úr tunnunni. Tunnukóngur/drottning krýnd/ur.  Söngvakeppni öskudagsliða. Marsering undir stjórn elsta námshópsins – skólavinir marsera saman. Öskudagsball þar sem allir taka þátt.  Á öskudagsskemmtuninni er skemmtilegt að allir mæti í búningum og það telst ekki búningur að setja á sig derhúfu eða svitaband. Foreldrar í búningum eru velkomnir á skemmtunina.  Einnig verða veitt verðlaun í söngvakeppninni.  

Rútur fara heim kl. 14.45.  Á sjálfan öskudaginn sem er miðvikudaginn 13. febrúar er starfsdagur í skólanum og frí hjá nemendum. Fimmtudaginn 14. febrúar og föstudaginn 15. febrúar er vetrarfrí í skólanum.