Þelamerkurskóli kemur við sögu í næstu bók Ævars vísindamanns!

Í dag var dregið í síðasta lestrarátaki Ævars vísindamanns og var Þelamerkurskóli einn þriggja skóla sem las hlutfallslega flestar bækur, en þeir útreikningar fóru fram fyrir hvert stig fyrir sig, yngsta-, mið- og unglingastig. Þelamerkurskóli mun því koma við sögu í síðustu bók Ævars um Bernskubrek Ævars vísindamanns. Frábær frammistaða hjá okkar krökkum! Það var unglingastigið okkar sem skákaði öðrum unglingastigum á landinu og las hlutfallslega mest. Árskógaskóli las hlutfallslega mest á miðstigi og Álftanesskóli á því yngsta. Við óskum þeim innilega til hamingju sem og öllum krökkum sem voru dregnir út. Samtals lásu íslensk börn og foreldrar þeirra yfir 90 þúsund bækur meðan á átakinu stóð, eða í janúar og febrúar 2019.  Áfram lestur! Alltaf. Allsstaðar.