3. og 4. bekkur í heimsókn á flugvélasafnið

3. og 4. bekkur á flugvélasafninu

Nemendur í 3. og 4. bekk hafa undanfarið unnið í flugvélaþema í Byrjendalæsi. Unnin hafa verið fjölbreytt verkefni sem prýða gang skólans. Í tengslum við þemað fór hópurinn í heimsókn á Flugsafn Íslands í vikunni.

Tekið var vel á móti hópnum. Safnstjórar voru með ýmsan fróðleik og svo mátti skoða sig um á safninu. Það var margt sem vakti áhuga hópsins, m.a. fyrrverandi þyrla landhelgisgæslunnar, TF-Líf, sem er nýjasti gripurinn á safninu, flugvél á skíðum sem fer til Grænlands og ólíkir flugfreyju- og flugstjórabúningar. Það sem vakti þó sérstaka lukku meðal nemenda var að fá að fara inn í tvær flugvélar til að skoða sig um og einnig að setja sig í spor flugmanns í stjórnklefa þar sem mátti prófa að stýra.

Nemendur fá sérstakt hrós fyrir að vera til fyrirmyndar á safninu. Framkoma þeirra var til fyrirmyndar og gaman hvað þau voru áhugasöm og dugleg að spyrja safnstjóra spjörunum úr varðandi allt tengt flugi.

Hér er hlekkur á myndir sem teknar hafa verið í flugvélaþemanu.