Enginn hvítur sykur
09.09.2016
Þelamerkurskóli setur sér áherslur fyrir hvern vetur. Ein af áherslum komandi vetrar er að auka hollustu matarins í skólanum. Í því skyni sátu Ingileif og Óli kokkur fyrirlestur um matseðlana í Álfasteini. Í kjölfarið á honum var ákveðið:
- að bjóða ekki uppá hvítan sykur í skólanum
- þegar púðursykursbirgðir skólans eru búnar verður ekki heldur boðið upp á hann
- hafragrautur verður í boði alla daga vikunnar og hægt að fá mismunandi ávextir eða korn út á hann
- endurskoða hvaða brauð eru keypt og miða við að í hverjum 100 g séu trefjar a.m.k. 7%
- draga úr framboði á áleggi sem er sætt með hvítum sykri eins og sultum og marmelaði
Eftir áramótin kemur næringarfræðingur í heimsókn og fer yfir matseðla skólans og metur með matráði næringargildi þeirra og fjölbreytni.
Í dag var t.d. í fyrsta skiptið ekki boðið uppá kanilsykur með hrísgrjónagrautnum. Hægt var að fá kanil og sæta grautinn með rúsínum eða döðlum. Enginn nemenda kvartaði undan því.