Smíðavöllur - Það er gaman að smíða skip

Útismíðatími hjá 3. og 4. bekk

Fyrir nokkru síðan var settur á fót smíðavöllur við norðurenda sparkvallarins. Ákveðið var að byrja á því að vera með eitt samvinnuverkefni sem allir áhugasamir  yngri nemendur skólans tæku þátt í og var ákveðið að smíða skip. Við fengum gefins fullt af pallettum og einnig keyptum við spýtur til þess að nota í verkefnið. Verkið hefur farið vel af stað og hafa hópur barna nýtt frímínútur og aðrar frístundir í smíðavinnu. Einnig hafa nemendur í 3. og 4. bekk verið tvo smíðatíma úti og unnið í skipinu. Stefnan er sú að reyna að klára skipið fyrir veturinn og vonandi tekst okkur það.

Hér eru myndir sem teknar voru í dag.