Eva Margrét í Landanum

Frá æfingu í morgun

Í morgun komu Þórhildur G. Ólafsdóttir og Starri Sigurðsson starfsmenn RÚV í skólann með Evu Margréti Árnadóttur nemanda í 10. bekk. Tilefnið voru upptökur á innslagi í þáttinn Landann en hluti hans mun fjalla um Evu Margréti í leik og starfi. 

Í morgun æfði Eva Margrét með hljómsveit og kór skólans. Atriðið er eitt þeirra sem verður flutt á árshátíðinni í næstu viku. Einnig þarf Eva Margrét að fara í harmonikkutíma og þegar skóla lýkur munu Þórhildur og Starri fylgja henni heim í Stóra Dunhaga. 

Hlökkum til að sjá Landann á næstu dögum.