Okkur vantar stuðningsfulltrúa

Stuðningsfulltrúi við Þelamerkurskóla 80% starf

Þelamerkurskóli óskar eftir barngóðri og metnaðarfullri manneskju í tímabundið 80% starf út skólaárið með möguleika á áframhaldandi starfi næsta skólaár. Starfið felur í sér að hafa umsjón með og styðja við nemendur náms- og félagslega. Stuðningsfulltrúi vinnur í nánu samstarfi við kennara og stoðteymi. Í Þelamerkurskóla eru 100 nemendur. Starfið krefst sveigjanleika og virkrar þátttöku í fjölbreyttu skóla- og frístundastarfi.

Helstu verkefni og ábyrgð

• Aðstoða nemendur í leik og starfi og leiðbeina þeim í umgengni og samskiptum.

• Stuðla að velferð nemenda í góðu samstarfi við starfsfólk skólans.

• Sinna gæslu hvar og hvenær sem þörf er á.

• Taka þátt í því uppeldisstarfi sem fram fer innan skólans í anda stefnunnar um jákvæðan aga. 

Menntunar- og hæfniskröfur

• Áhugi á að starfa með börnum og ungmennum.

• Mikil áhersla er á lipurð og færni í samskiptum við börn og fullorðna.

• Stundvísi, frumkvæði og sjálfstæði í starfi.

• Sveigjanleiki og jákvæðni.

• Íslenskukunnátta nauðsynleg.

Æskilegt er að viðkomandi geti hafið störf sem fyrst. Umsóknarfrestur er t.o.m. 28. janúar 2025. Ferilskrá og umsókn skal senda á netfang skólastjóra annarosa@thelamork.is sem veitir jafnframt frekari upplýsingar um starfið. Laun eru greidd skv. kjarasamningum Einingar/Iðju og Sambands íslenskra sveitarfélaga. Upplýsingar um Þelamerkurskóla er að finna á heimasíðu skólans, https://www.thelamork.is