Undankeppni Stóru upplestrarhátíðinnar í Þelamerkurskóla

Nemendur 7. bekkjar ásamt dómurum og skólastjóra

Í morgun var undankeppni Stóru upplestrarhátíðinnar haldin í skólanum en það er 7. bekkur sem tekur þátt í þeirri keppni. Markmið hátíðarinnar  er að vekja athygli og áhuga í skólum á upplestri og vönduðum framburði. Hátíðin hefst ár hvert á degi íslenskrar tungu 16. nóvember og lýkur með lokahátíð sem að þessu sinni verður í Menntaskólanum á Akureyri fimmtudaginn 5. mars.

Fjórir nemendur í 7. bekk tóku þátt í upplestrarhátíðinni og stóðu þau sig öll vel. Valdir voru tveir fulltrúar skólans til að taka þátt í lokakeppninni. Þeir eru Stefán Karl Ingvarsson og Juliane Liv Sörensen.  Við óskum þeim til hamingju með árangurinn og góðs gengis.

Dómarar keppninnar í skólanum voru: Sesselja Ingólfsdóttir, Helga Hauksdóttir og  Margrét Sverrisdóttir. Við þökkum þeim kærlega fyrir hjálpina. 

Hér eru nokkrar myndir frá hátíðinni.