Fréttir

Veðurblíðan í lok ágúst var nýtt til að fara í fjölbreytta útivist með öllum nemendum skólans. Nemendur í 1.-4. bekk ásamt eldri nemendum sem þess óskuðu, fóru á Hjalteyri hvar byrjað var á hressilegum göngutúr í kringum tjörnina. Því næst var nestisstund og leikir. Fjaran tók síðan vel á móti krökkunum sem nutu þess að busla og vaða, moka og skapa skúlptúra. Að lokum fengu svo allir grillaðar pylsur og safa. Myndirnar tala sínu máli! Hópur nemenda úr 5.-10. bekk valdi að fara í hjólaferð og hjólaði hópurinn alla leið frá Melum og að Hlíðarbæ.

Þelamerkurskóla var slitið í 58. skipti föstudaginn 3. júní. Skólaslit 1.-6. bekkjar fóru fram í lok vorhátíðar um hádegisbil og skólaslit 7.-10. bekkinga voru í Hlíðarbæ síðla dags. Verðandi nemendur í 1. bekk eru 10 talsins og voru þau boðin velkomin af 10. bekkingum sem færðu þeim birkiplöntu og Þelóbuff sem gjöf við upphaf grunnskólagöngunnar. Farið var yfir færni og framfarir nemenda á skólaárinu, þar sem margvíslegir sigrar voru unnir. Nemendur sýndu heilt yfir góðar framfarir í námi, þroska, samskiptum, félagsfærni og eljusemi. Útinám blómstraði sem fyrr og þemavinna réð ríkjum í flestum námshópum. Sköpunarkraftur nemenda við skólann er einstakur og þau verða sífellt öflugri í að sjá og nýta sína fjölbreyttu og ríkulegu hæfileika.

Grænfánanefnd Þelamerkurskóla hefur undanfarnar vikur verið að vinna verkefni í námunni norðan við skólann eða Gullnámunni eins og verkefnið kallast. Stefnt er á að búa til útileiksvæði þar fyrir íbúa Hörgársveitar og almenning. Gullnáman býður upp á margs konar verkefni en við völdum þrjú raunhæfustu verkefnin sem gott væri að byrja á. Þau eru hjólabrettarampur, göngustígur og uppgræðsla. Nemendur í 7. og 8. bekk tóku verkefnin að sér sem þemaverkefni nú í maí. Nemendur skiptu sér í þrjá hópa og hver hópur fékk eitt verkefni og einn verkefnastjóra. Erfiðleikar áttu sér stað en alveg stranglega bannað var að gefast upp! Uppgræðslu hópurinn fékk sendar ónýtar heyrúllur úr Mið-Samtúni. Þær voru notaðar á Grænablómadaginn og allur skólinn hjálpaði til við að dreifa þeim á víð og dreif í námunni til þess að búa skilyrði fyrir gróður. Göngustígs hópurinn er búin að senda tölvupósta á Jonna húsvörð og Hákon garðyrkjufræðing. Hákon vinnur stundum fyrir Hörgársveit og hann er frá Garðar og Hönnun. Hákon gaf okkur mjög góðar leiðbeiningar hvernig hægt væri að búa til göngustíg. 7. og 8. bekkur fóru saman út í námuna og tóku nokkrar myndir af henni úr lofti með dróna sem einn nemandinn kom með. Rampa hópurinn er búin að vera að vinna í því að laga rampinn með því að færa einn rampa helminginn nær hinum og skrúfa þá saman, þau sóttu fleiri plötur til þess að gera hann sterkari og jafnari. Þau fengu hjálp og leiðsögn frá Sindra smíða kennara. Lára, Helena og Lilja Verkefnastýrur Gullnámunnar

Við Þelamerkurskóla er laus til umsóknar staða matráðs í mötuneyti skólans. Matráður hefur yfirumsjón með eldhúsi skólans sem sér um máltíðir fyrir nemendur og starfsfólk skólans sem og sveitarskrifstofu. Næsti yfirmaður er skólastjóri.

Það hefur verið mikið um að vera í skólalífinu í Þelamerkurskóla síðustu vikur, bæði innan skóla sem utan. Hér koma fréttir af hinum ýmsu afrekum nemenda okkar, stórum sem smáum. Myndaalbúmin fylgja að sjálfsögðu með. Stóra upplestrarkeppni 7. bekkinga í skólum á Eyjafjarðarsvæðinu fór fram í Menningarhúsinu Bergi á Dalvík þann 27. apríl sl. Þar lásu fyrir hönd Þelamerkurskóla þær Lára Rún og Kaja Líf og stóðu þær sig báðar afar vel. Hér eru myndir frá upplestrarhátíðinni á Dalvík sem og upplestrarhátíðinni innan skólans sem haldin var 19. apríl. Sunnudaginn 1. maí mættu galvaskir foreldrar og nemendur á Þórsvöllinn á Akureyri til að

Í Þelamerkurskóla eru lausar stöður matráðs og stuðningsfulltrúa. Í skólanum eru 74 nemendur og fer skólinn hratt stækkandi. Starfað er með markvissum hætti í anda skóla fyrir alla og lögð rík áhersla á að búa öllum nemendum aðstæður til náms við hæfi hvers og eins, nokkuð sem krefst sveigjanleika og skapandi hugsunar hjá öllu starfsfólki. Einkunnarorð skólans eru þroski, menntun og samkennd. Í skólanum er starfað eftir hugmyndafræði Jákvæðs aga og Byrjendalæsis. Skólinn er heilsueflandi skóli og Grænfánaskóli, auk þess sem áhersla er lögð á rafræna kennsluhætti, útikennslu, teymisvinnu og skapandi starf.

Frá nemendum í umhverfisráði Þelamerkurskóla Við nemendur í 1.-8. bekk erum búin að vera að plokka rusl síðustu daga á skólasvæðinu okkar á Þelamörkinni. Við fórum fyrir ofan þjóðveginn og náðum í kertadósir frá því í desember og týndum rusl á leiksvæðinu, meðfram girðingunni fyrir ofan og í kringum sparkvöllinn. Einnig sópuðum við stéttina í kringum leiksvæðið. Við plokkuðum líka í kringum íþróttahúsið. Þar fundum við svakalega mikið af nikotín púðum á jörðinni sem er alls ekki gott, það á að henda þeim í ruslatunnu en ekki á jörðina!! Við viljum skora á alla eyfirska skóla að gera það sama og við gerðum og plokka rusl á sínu skólasvæði! Þann 24. maí ætlum við svo að hafa grænan dag í skólanum þar sem við vinnum verkefni er tengjast umhverfinu. Við skorum á íbúa í Hörgársveit að plokka í sínu nærumhverfi þann dag!

Við Þelamerkurskóla er laus til umsóknar staða umsjónarkennara í 1.-2. bekk. Óskað er eftir að ráða fjölhæfan, sveigjanlegan og skapandi grunnskólakennara með mikla hæfni í samskiptum við börn. Umsjónarkennarinn vinnur í kennarateymi 1.-2. bekkjar. Í skólanum eru 72 nemendur og fer þeim ört fjölgandi á næstu árum. Í Þelamerkurskóla er starfað með markvissum hætti í anda skóla fyrir alla og þannig lögð rík áhersla á að búa öllum nemendum aðstæður til náms við hæfi hvers og eins, nokkuð sem krefst sveigjanleika og skapandi hugsunar hjá öllu starfsfólki. Einkunnarorð skólans eru þroski, menntun og samkennd. Í skólanum er starfað eftir hugmyndafræði Jákvæðs aga og Byrjendalæsis. Skólinn er heilsueflandi skóli auk þess sem áhersla er lögð á rafræna kennsluhætti, útikennslu, teymisvinnu og skapandi starf.

Á sprengidaginn var venju samkvæmt haldin öskudagsgleði í skólanum. Nemendur og starfsfólk mættu í búningum, slógu köttinn úr tunnunni, tóku þátt í söngvakeppni og dönsuðu á grímuballi.

Í þessari frétt er að finna nokkrar myndir af daglegu starfi í skólanum síðustu vikur. Í myndaalbúminu má sjá útistærðfræði, áhugasviðsverkefni, kynningar, öskudagsheimsókn í sveitinni, Byrjendalæsisvinnu, samstarf unglinga og yngstu barna, kanínuheimsókn og Just dance hreyfivikugleði.