29.08.2024
5. bekkur fór í berjamó í heimilisfræðitímanum sínum.
Lesa meira
21.08.2024
Skólasetning verður fimmtudaginn 22. ágúst kl. 14:00 á útiskólasvæðinu okkar í Mörkinni
Lesa meira
02.08.2024
Þelamerkurskóli óskar eftir barngóðri og metnaðarfullri manneskju í 100% starf.
Lesa meira
18.06.2024
Sveigjanleiki er dýrmæt dyggð í skólastarfi og þegar veðurguðirnir eru ekki með okkur í liði á vordögum sem byggja mikið á útileik, er gott að vera með starfsfólk sem breytir skipulagi daganna eins og hendi sé veifað. Þannig færðust bæði Þelamerkurleikar og vorhátíð inn í skóla og urðu fyrir vikið ögn öðruvísi en upphaflega var gert ráð fyrir. Það kom þó ekki að sök og við áttum góða daga.
Á vorhátíðinni var að venju farið í hinn sívinsæla blindrabolta þar sem nemendur unnu starfsfólkið með einu stigi. Starfsfólkið lét hinsvegar til sín taka í reiptogi þar sem þau rústuðu nemendaliðinu. Í þrautaboðhlaupinu fóru lið nemenda, foreldra og starfsfólks á kostum við mikinn fögnuð viðstaddra. Vorhátíðin endað að venju með pylsugrilli þar sem stjórn foreldrafélagsins stóð vaktina.
Skólaslit 1.-6. bekkjar fór fram á Torginu okkar þar sem orðatiltækið Þröngt mega sáttir sitja, átti vel við. 10. bekkingar buðu verðandi fyrstu bekkinga velkomna í skólann og færðu þeim birkiplöntu og buff merkt Þelamerkurskóla. Nemendur voru svo kvaddir inn í sumarfríið og að sjálfsögðu minnt á að vera dugleg að lesa eitthvað skemmtilegt í sumar, auk þess að leika sér úti.
Skólaslit 7.-10. bekkinga fóru svo fram við hátíðlega athöfn í Hlíðarbæ síðar um daginn þar sem 10. bekkur var útskrifaður með viðhöfn og aðrir nemendur kvaddir inn í sumarið. Þau Úlfur Sær, Arnsteinn Ýmir, Anna Lovísa og Lára Rún fluttu stórkostleg tónlistaratriði og Sandra Björk flutti kveðju frá útskriftarnemum.
Lesa meira
18.06.2024
Á næst síðasta degi skólaársins voru haldnir hinir árlegu Þelamerkurleikar, þar sem nemendur spreyta sig á hinum ýmsu þrautum. Í ár var boðið upp á sjö stöðvar víða í skólanum og á skólalóð; tröppuhlaup, pundara, actionary, stígvélakast, limbó, pokavarp og fjölbreyttar þrautir í íþróttasal. Nemendur virtust skemmta sér vel og það vakti mikla lukku að hafa stöðvarnar enn fjölbreyttari en áður.
Lesa meira
18.06.2024
Á síðustu dögum skólaársins fengu nemendur í 9.-10. bekk það verkefni að hanna bíl úr tilfallandi umbúðum og öðru dóti sem misst hafði notagildi sitt. Í smíðastofunni varð til rampur sem hinir skrautlegustu bílar kepptust svo um að keyra niður á sem mestum hraða.
Lesa meira
18.06.2024
Undir lok skólaársins er venja að fara í vorferð með alla nemendur og allt starfsfólk. Í ár var farið í stutta en skemmtilega ferð þar sem við heimsóttum Braggaparkið á Akureyri auk þess sem við fengum að leika okkur á nýrri og stórglæsilegri skólalóð Oddeyrarskóla. Að þessum heimsóknum loknum var svo haldið í Kjarnaskóg þar sem auðvelt er fyrir öll að finna eitthvað við hæfi og þar léku nemendur sér í fjölbreyttum og skapandi leik á milli þess sem þau fengu sér grillaða hamborgara.
Skemmtilegur dagur í dýrðlegu veðri.
Lesa meira
18.06.2024
Í síðustu heilu viku skólaársins var haldin lokahátíð útiskólans þar sem allir nemendur skólans nutu samveru í Mörkinni okkar við varðeld og frjálsan leik. Á varðeldinum grilluðu þau snúningsbrauð, banana með súkkulaði og að sjálfsögðu sykurpúða, enda um lokahátíð að ræða.
Lesa meira
10.06.2024
Upptakturinn - tónsköpunarverðlaun barna og ungmenna er verkefni sem hvetur börn og ungmenni til að semja tónverk og senda inn í keppnina. 10 tónverk eru valin til útsetningar af landsfrægu tónlistarfólki. Í kjölfarið eru svo haldnir tónleikar í Hofi þar sem þessi 10 verk eru flutt af atvinnuhljóðfæraleikurum.
Anna Lovísa Arnarsdóttir í 10. bekk Þelamerkurskóla var ein þeirra útvöldu en hún samdi tónverkið Eyrun mín sjá liti. Magnað verk hjá Önnu og við óskum henni innilega til hamingju.
Lesa meira
02.06.2024
Þelamerkurskóli, í samstarfi við Miðstöð skólaþróunar við HA, hlaut nýverið veglegan styrk til að þróa áfram teymiskennslu við skólann. Styrkurinn er sá hæsti sem úthlutað var í ár og er skólinn afar þakklátur fyrir þennan góða styrk og fullur tilhlökkunar til að þróa áfram árangursríkt verkfæri í skólastarfi. Í Þelamerkurskóla hefur verið unnið markvisst með faglega teymisvinnu undanfarin ár, þar sem megináherslan hefur verið á að skapa traust og virðingu sem grundvöll hreinskiptra samskipta auk vinnubragða sem leggja áherslu á virka þátttöku allra í teyminu. Þá hefur verið lögð rík áhersla á markvissa ígrundun og jafningjastuðning. Næsta skref er að færa samstarfið einnig inn í kennslustofuna í enn virkari teymiskennslu og stefnt er að því að teymiskennsla verði grunneining starfshátta við skólann.
Lesa meira